Барселона мухлислари сайти FK "Barcelona" фанатлари сайти

Сизнинг эътиборингизга жахоннинг энг катта стадионлари ТОП-10 талик рўйхатини MARCA.UZ сайти эътиборингизга тақдим этади. Бу рўйхатни футбол мухлисларини сиғими бўйича тузиб чиқдик. Демак танишинг:

№ 10. Борг-эль-Араб стадион

Рўйхатимиз 10 талигини шимолий Африкадан бошлаймиз, бизнинг бекат Мисрнинг Каир шахри. Мисрликларнинг стадиони "Борг-эль-Араб" деб номланиб, ўз бағрига 86 минг мухлисни сиғдиради. Стадион 2007 йилда қуриб битказилиб фойдаланишга топширилган. Стадионнинг қурилишига бош сабаблардан Мисрнинг 2010 йилги Футбол бўйича жахон чемпионатида иштирок этиши бўлди.

№ 9. Gelora Karno stadium

Бизнинг навбатдаги бекатимиз Индонезиянинг энг катта стадиони "Gelora Karno". Стадион 1962 йил Мамлакатнинг биринчи президенти ташаббуси билан қуриб фойдаланишга топширилган. Стадион сиғими 88 минг 500 мухлисга мўлжалланган. 

№ 8. Уэмбли

Рўйхатнинг 8-ўринида Лондон кўркам ва замонавий стадиони Уэмбли. Стадион Англия терма жамоасига қарашли бўлиб, майдонда асосан терма жамоа ўйинлари ва Европа клубларини ўртасида ташкил этилган мусобақалари ўтказилади. Стадион 90 минг мухлисга мўлжалланган. Хозирги кунгача ушбу стадионда ЕЧЛ нинг иккита финал ўйинлари ўтказилган. Стадионни қурилиш ишлари 2002 йилда бошланиб, 2007 йилда биринчи футбол ўйини ўтказилган. 

№ 7. Rose Bowl

7-ўринда АҚШ ни Пасадене Штатидаги донгдор "Роуз Боул" стадиони. Стадионнинг сиғими 94 минг мухлисга мўлжалланган. 1922 йилда қурилган стадион 1973 йилда жахоннинг энг кўп мухлисни ўз бағрига сиғдирган. Ўшанда стадион 106 минг 869 мухлисни ўз бағрига қабул қилган. 

№ 6. Soccer City Stadium (Стадион FNB)

Рўйхатнинг 6-ўрнида Жанубий Африканинг Йоханнесбург шахрига қарашли стадион. Бу бахайбат стадион 1989 йилда қурилган, жахон чемпионатига яъни 2010 йилда қайта таъмирдан чиқарилган. Умумий сиғими 94 минг 736 киши. Ушбу стадионда Жанубий Африканинг Kaizer Chiefs клуби уй учрашувларини ўтказиб келади.

№ 5. Камп Ноу

Рўйхатнинг 5-ўрнида афсонавий Барселона клубининг стадиони. Ушбу стадион 1957 йилда қурилган, Стадион умумий сиғими 99 минг 786 мухлисга мўлжалланган бўлиб, 1986 йилда Барселона ва Ювентус ўртасидаги учрашувга рекорд даражада 120 минг мухлис ташриф буюурган. 

№ 4. Букит Джалил стэдиум

Ва нихоят 4-ўринда Малайзиянинг Куала-Лумпур шахрида жойлашган "Букит Жалил" миллий стадиони. Стадион ўриндиқлари жуда ажойиб жойлаштирилган бўлиб, мухлислар бир-бирларига асло халақит беришмайди. Стадиони сиғими 100 минг мухлисга мўлжалланган бу стадионда Малайзия терма жамоаси ўйинлари ўтказилади. Стадион 1998 йилда қуриб фойдаланишга топширилган.

№ 3. Озоди Стадиони

Рейтингимизнинг 3 талигини Эроннинг Озоди стадиони очиб беради. Стадион нафақат мухлислар сиғими бўйича балки умумий майдон бўйича хам катта мйдонни эгаллаган. Стадион 1971 йилда қурилган, сиғими 100 минг киши, Эрон терма жамоаси ва яна Эроннинг "Персиполис", "Истиқлол" кулубларининг уй учрашувларини ушбу стадионда ўтказиб келади. 

№ 2. Azteca stadium

2- ўринда эса Мексика пойтахти Мехико шахрида жойлашган Азтка стадиони. Стадион сиғими 105 минг кишилик бўлиб 1966 йилда Мексика ва Бразилия учрашувига 120 минг мухлис ташриф буюурган. 1966 йил ва 1985 йилда стадион умумий қайта таъмирдан чиқарилган. 

№ 1. Salt Lake Stadium

Рўйхатнинг 1-ўрнида Осиё қитъасининг футболи ривожланаётган мамлакатларидан Хиндистонда жойлашган. "Салт Лаке" стадиони Калкутта шахрида ўрин олган бўлиб, сиғими 120 минг мухлисга мўлжалланган. Стадион 1984 йилда қурилган бўлиб, майдонда Хиндистоннинг бир эсам тўрта клуби уй учрашувларини ўтказади. Улар "Mohun Bagan", "East Bengal", "Pailan Arrows" ва "Prayag United"