Испанияда "Неймар иши” давом этмоқда.
Миллий Суд судьяси Пабло Рус Испания футбол федерацияси орқали ФИФАга
мурожаат қилиб, Неймар ва "Барселона” ўртасидаги шартнома ҳужжатларини
тақдим этишни сўраган. Аммо ФИФА бу клубга тегишли маълумот бўлгани учун
Руснинг сўровига рад жавобини берди. Ушбу маълумотни олиш учун суд
рогатория (махсус сўровнома) юбориши кераклиги таъкидланди.
Эслатиб ўтамиз, "Барселона”нинг собиқ
президенти Сандро Росель Неймарнинг трансферидан тушган пулларни
ўмарганликда айбланиб, истеъфога чиқарилганди. Жумладан, Хорди Касеснинг
айбловига кўра, Росель Неймарнинг трансферидан 40 миллион еврони
ўзлаштириб олган. Суд ушбу иш бўйича текширув ишларини олиб бормоқда.
