“Барселона” клуби ўзининг “Ла Масия” футбол академияси ортидан 112,7 млн. евро даромад қилган. Бу даромад 11 йил давомида тарбияланувчиларини бошқа жамоаларга трансфер қилиш эвазига қўлга киритилган.
Каталон клубининг бошқа клубларга қилинган энг қиммат трансфер бу Франсеск Фабрегас бўлиб, у ёзда 33 млн. евро эвазига Лондоннинг “Челси” жамоасига ўтган эди. Иккинчи ўринда эса Тиаго Алькантара бормоқда. 2013 йилда Мюнхеннинг “Бавария”си ушбу футболчини ўз сафига қўшиб олиш учун 25 млн. евродан кечишга мажбур бўлган.
