“Барселона” форварди Лионель Месси жамоага Луис Суарес ўтганига ўз муносабатини билдирди ва каталонияликлар мақсади чемпионлар Лигаси финалига чиқиш эканлигини айтиб ўтди.
“Суарес “Барселона”ни танлагани, биз учун бошқача ҳолат. У билан жамоа сифатида кучаямиз, ҳужумдаги ўйинимизда кўпроқ вариантлар юзага кела бошлайди.
Биз яна ғалаба қозонишни бошлашимиз керак. Мақсадларимиз ўзгармаган: совринларни ютиш ва чиройли футбол кўрсатиш. Ўтган йили биз муваффақиятсизликка учрадик, аслида бундай бўлиши керак эмас эди.
Чемпионлар Лигаси финалига қайтиш, биз учун реванш эмас, қарздир. Биз у ерда яна ўйнашимиз керак”, – деди Месси.
