Барселона мухлислари сайти FK "Barcelona" фанатлари сайти

"Барселона" клуби устози Луис Энрике бугун бўлиб ўтадиган Каталония суперкубоги "Эспаньол"га қарши баҳсда иштирок этадиган футболчилар рўйхатига аниқлик киритди.

"Барселона" таркиби: Тер Штеген, Масип, Монтоя, Пике, Бартра, Адриано, Альба, Ракитич, Хави, Серхи Роберто, Рафинья, Педро, Суарес, Йе, Гримальдо, Сампер, Халилович, Адама, Мунир, Сандро.

Мураббийлар штаби жамоа етакчилари Браво, Алвеш, Маскерано, Матье, Бускетс, Месси ва Неймарга дам беришга қарор қилишган.

"Барселона" клуби ҳимоячиси Херар Пике жамоасини тарк этиб, фаолиятини Англия Премьер-лигасида давом эттириши мумкин. Футболчига икки гранд жамоа — "МЮ" ва "Челси" қизиқиш билдирган, дея хабар беради испан нашрлари. Пикени Лондонга олиб келиш таклифи клуб бош мураббийи Жозе Моуриньодан чиққан.

Ҳозирда Испания терма жамоаси таркибидан ўрин олишга ҳаракат қилаётган 27 ёшли футболчининг трансфер нархи эса 30 млн. евро атрофида баҳоланмоқда.

Эслатиб ўтамиз, Пике Англия Премьер-лигасида олдин ҳам фаолият олиб борган. У 2004-2008 масумда "МЮ" шарафини ҳимоя қилган.

Лондоннинг "Арсенал" жамоаси қишда "Барселона" ҳужумчиси Педрони олиб келишни режалаштирмоқда, дея хабар беради Daily Express. "Канонирлар" ўтган ёзда бу футболчини қўлга киритмоқчи эдилар, аммо улар якунда испан жамоасининг бошқа бир ҳуужмчиси Алексис Санчесни сафига қўшиб олганди.

Ҳозирда Педронинг трансфер нархи 32 млн.евро атрофида баҳоланмоқда. Педро мазкур мавсум Испания чемпионати ва ЕЧЛда 10 учрашув ўтказиб, битта голга муаллифлик қилган. Шунингдек, жамоага ёзда келиб қўшилган Луис Суареснинг ўйинларга киришиши, футболчининг асосий таркибдан ўрин олишини қийинлаштиради. Лондонликлар эса бундан унумли фойдаланиб қолишмоқчи.

"Барселона" ярим ҳимоячиси Андрес Иньеста яқин икки ҳафта ичида жамоасига ёрдам бера олмайди.

Футболчи кеча бўлиб ўтган "Реал"га қарши "Эль-класико" баҳсида жароҳат олган. 30 ёшли ярим ҳимоячи Ла Лига доирасида "Альмерия", "Сельта" ва шунингдек, ЕЧЛда "Аякс"га қарши учрашувни ўтказиб юборади.