Барселона мухлислари сайти FK "Barcelona" фанатлари сайти

Европа миллий чемпионатларида навбатдаги тур учрашувлари ўз якунига етди. Ҳар бир турдан сўнг анъанавий тарзда рамзий терма жамоа тузиб чиқилади. Бу сафар ҳам ушбу анъанага содиқ қолинди. Рамзий терма жамоанинг тактик схемаси 4-2-3-1.

Рамзий терма жамоа даврозасидан ҳамюртимиз Одил Аҳмедов тўп сурадиган “Краснодар” посбони Андрей Синицин ўрин олган. У Россия чемпионати турида “Торпедо”га қарши баҳсда дарвозасининг дахлсизлигини таъминлай олди ва жамоасининг йирик ҳисобда ғалаба қозонишида муносиб ҳисса қўшди.

“Сток Сити” жамоаси марказий ҳимоячиси Райан Шоукросс “Халл Сити”га қарши баҳсда рақиб ҳужумчилари анча-мунча ташвиш келтирди. У яккакурашларда 78 фоиз фойдали натижа қайд этди.

Шунингдек, унга ушбу позицияда Франциянинг “Лилль” жамоасидан Саймон Кьяер, ўнг қанотда “Тоттенхем” аъзоси Эрик Дайер ва “Монако” вакили Левен Курзава ўрин олган.

Таянч ярим ҳимоя чизиғига Н’Голо Канте (“Кан” Франция) ва Сеск Фабрегас (“Челси” Англия) муносиб кўрилган бўлса, Москванинг “Динамо” клуби аъзоси Алексей Ионов, “Ростов” аъзоси Гелор Канга ва “КПР”га қарши баҳсда дубль қайд этган “Тоттенхэм” аъзоси Насер Шадли ҳужум чизиғи ортидан ўрин олди.

Рамзий терма жамоанинг энг олдинги қисмига эса “Барселона” ҳужумчиси Лионель Месси жойлаштирилди. У ҳам чемпионатнинг илк баҳсида дубль қайд этди.

Европа миллий чемпионатлари рамзий терма жамоаси

Дарвозабон

Андрей Синицин (“Краснодар” Россия)

Ҳимоячилар

Райан Шоукросс (“Сток Сити” Англия)

Саймон Кьяер (“Лилль” Франция)

Эрик Дайер (“Тоттенхэм” Англия)

Левен Курзава (“Монако” Франция)

Ярим ҳимоячилар:

Н’Голо Канте (“Кан” Франция)

Сеск Фабрегас (“Челси” Англия)

Алексей Ионов (“Динамо” Россия)

Гелор Канга (“Ростов” Россия)

Насер Шадли (“Тоттенхэм” Англия)

Ҳужумчи

Лионель Месси (“Барселона” Испания)