Барселона мухлислари сайти FK "Barcelona" фанатлари сайти

 

 

"Барселона" яримҳимоячиси Франсеск Фабрегас жамоасининг "Севилья"га қарши
ўйиндаги ғалабаси (4:1) қанчалик муҳим экани ҳақида фикр юритди.

"Ўйин жуда муҳим эди. Биринчи ўринга чиқиш имконияти бор экан, ундан албатта
 фойдаланиш керак. Кўп ўтмай яна пешқадамга айланганимиз яхши бўлди.

Учрашув бошидан ўз ўйинимизни намойиш этдик, эркин ҳаракат қила бошладик.
 Санчеснинг голидан сўнг устунликни тўлалигича ўз қўлимизга олдик.

Ҳозирга келиб "Барса"нинг Ла-лигадаги даражаси анча ўсган. Ҳар бир ўйинда бор
куч билан ўйнаш керак. Мен жамоамдан фахрланаман", - деди Фабрегас.

Қайд этиш керак, 23 турдан сўнг "Барселона" турнир жадвалида "Реал" ва
"Атлетико"ни фақат тўплар нисбати бўйичагина ортда қолдирмоқда.

Манба: sportolami.tk

 

"Барселона" яримҳимоячиси Андрес Иньеста Ла-лиганинг 23-турида "Севилья"
мағлуб этилганидан сўнг ўйин ҳақида шундай дейди:

"Жадвалнинг юқорисига яна қайтиш биз учун муҳим эди. Ҳаммасини ўрнига
 қўйдик, дея олмайман, аммо якунда ғалаба қозонишнинг уддасидан чиқдик.
 Имконият бор экан, ундан фойдаланиб қолиш керак. Бугунги ғалабамиз
 кейинги учрашувлар учун ҳам бизга қўшимча куч бағишлайди.

Биз охиригача курашамиз. Асосийси - очко йўқотмаслик ва жамоа сифатида
 ривожланиб бориш.

Месси доим ишончни оқлаб келган. У майдондалигида ўйиннинг боришини
ўзгартира олади. Жамоамизнинг ўйини айнан Мессининг устига қурилган",
 - дейди Иньеста.

 

"Барселона" қийин кечган сафар ўйинида "Севилья" устидан йирик ғалабага эришди ва бир турдан иборат кичик танаффусдан кейин яна мусобақа жадвалининг 1-поғонасига кўтарилди.

Андалусиядаги ўйин икки томонлама қийин бўлди. Биринчидан, ўйин давомида кучли шамол остида ёмғир тинимсиз ёғиб турди. Майдоннинг айрим жойларида ҳаттоки кўлмаклар пайдо бўлди.

Иккинчидан, "Севилья" жуда қаттиқ қаршилик кўрсатди. Боз устига, ҳисобни айнан мезбонлар очишди. Агар Эмери шогирдлари бутун ўйин давомида голга тортадиган яққол вазиятлардан фойдалана олишганида, ҳисоб камида дуранг бўларди.

"Барса" эса ўзи яратган деярли барча вазиятларни голга айлантира олди. Месси яхши формага кириб бораётгани ушбу ўйинда яхши кўзга ташланди. Аргентиналик футболчи иккита чиройли гол уриш билан бирга, жамоасининг биринчи голига ассистентлик қилди.

Ла-лига жадвалида учта жамоа 57 очко билан пешқадамлар триосини юзага келтиришган. Мадриднинг икки жамоасига нисбатан яхши тўплар фарқига эга б ... Davomini o`qish»