Барселона мухлислари сайти FK "Barcelona" фанатлари сайти

"Бавария" бош мураббийи Хосеп Гвардиола "Барселона"да ҳали Чемпионлар лигаси ярим финалига чиқиш учун имконият катта эканини айтиб ўтди.

"Албатта "Атлетико"га қойил қолиш керак. Аммо "Барселона"ни ҳисобдан чиқаришга шошилманг. Шахсан ўзим Испания чемпионатида "Барселона" ғолиб чиқишини жуда истамоқдаман", - дейди Гвардиола.

Эслатиб ўтамиз, "Барселона" ўз майдонида "Атлетико" билан 1:1 ҳисобида дуранг ўйнаган бўлса, "Бавария" сафарда "МЮ"га қарши ўйинда худди шу ҳисобни қайд этган.

"Барселона" бош мураббийи Херардо Мартино "Атлетико"га қарши кечган баҳс борасидаги фикрларини билдириб ўтди.

"Мен жамоа намойиш этган ўйин билан фахрланаман. Баъзан биз яхшироқ ўйин намойиш қилдик, баъзан эса йўқ.

Ўтказиб юборилган голдан сўнг биз яхшироқ ўйнай бошладик. Бизда ҳаракат ва чуқур ҳужум бор эди. Ҳимоячилардан ўтиб кетишлар ва зарбалар бўлди.

Ҳозирча Пикенинг жароҳати қай даражада оғирлигини айта олмайман. Баъзан мана шундай бахтсиз ҳодисалар ҳам учраб туради. Аммо Бартра бугун яхши ўйнади, барча қарорлари тўғри бўлди.

Ҳозирча дуранг бўлиб турибди. Ҳозирча  баҳс жуда кескин бормоқда, балки рақиб майдонидаги голларни санашга тўғри келар", - дейди Мартино.

"Барселона" клуби Европа Чемпионлар лигаси чорак финалида ўз уйида "Атлетико" клубини қабул қилди ва оғир ўтган учрашувда дуранг натижа қайд этди.

Учрашувнинг биринчи бўлими ҳар икки томондан ҳам йўқотишлар бўлгани билан ёдда қолди. Пике жароҳат олиб, 12 дақиқада майдондан чиқиб кетган бўлса, Диего Костани ўйин бошлангунга қадар безовта қилган жароҳати панд берди.

Ҳисоб эса иккинчи бўлимда очилди. Аввалига "Атлетико" ярим ҳимоячиси Диего узоқ масофадан зарба бериб, мадридликларни олдинга олиб чиқди. Учрашувдаги бу устунлик узоқ вақт сақланиб қолмади. 71-дақиқада Неймар чиройли услубда Куртуани доғда қолдириб, ҳисобни тенглаштирди. Бунгача бўлган вақтда Куртуа бир неча бор жамоасини қутқариб қолган эди.

Шундан сўнг учрашувда ҳисоб бошқа ўзгармади ва барчаси Мадридда бўладиган жавоб ўйинида ҳал бўладиган бўлди.

Барселона Испания – Атлетико Испания 1:1 (0:0, 1:1)
Голла ... Davomini o`qish»

"Барселона" клуби Чемпионлар лигасида "Атлетико"га қарши майдонга тушиш орқали янги натижа қайд этди.

Каталонияликлар учун бу учрашув Еврокубоклардаги 500-ўйин бўлмоқда. Эслатиб ўтамиз, бугун "Барселона" ҳужумчиси Лионель Месси ҳам профессионал фаолиятидаги 500-ўйинда майдонга тушди.