15:36 «Барса» вакиллари тадбиркор | |
 Маълумки, футболчилар аста-секин танилиб, ном орттиргач, даромадлари ҳам кўпая боради. Бундай одам эса пулларини қайсидир йўл билан янада орттиришни ўйлайди. Албатта, «ошинг ҳалол бўлса, кўчада ич...» деб бекорга айтилмаган. Шундай экан, келинг, биргаликда «Барселона» футболчиларининг қўшимча даромад манбаларига назар ташлаймиз. Sovsport.ru олиб борган изланишлар эса бунда жуда қўл келади. Лионель Месси Кўрфазчали турар-жой Аргентиналик ҳужумчи топган пулларни кўчмас мулкка сарфлашни хуш кўради. Испанияда ҳам, жонажон шаҳри Росариода ҳам. Шу боис, форвардга тегишли икки йирик компания - Limecu 2010 SA ва El Rincon de Rosario SL айни кунларда кун сари гуллаб-яшнамоқда. 2009 йили Росарио марказида 40 қаватли оспонўпар бино қад ростлади. Етти йил илгари иш бошлаган Limecu 2010 SA ҳам ҳар йили фойдани оширмоқда. Месси шунингдек, бунёдкорлик ишларига ҳам жуда қизиқади. Бунинг исботи ўлароқ, унга тегишли қурилиш компанияси Парана дарёси бўйида 80 акрлик майдонда иш олиб бормоқда. Қурилиш тугалланса, бу овлоқ масканда 60 яхтага мўлжалланган кўрфаз, бир неча стадион, бассейн, теннис кортларига эга ихчам «қишлоқча» вужудга келади. Айтишларича, бу мақсад учун Месси 20 миллион евро сарфларкан. Энди бу «қишлоқ»даги уйларнинг нархини тасаввур қилиб олаверинг... Дарвоқе, Мессининг хоббисини унутибмиз. У Leo маркали вино ишлаб чиқаришга ҳам патент олган. Неймар Исмингни қадрлайсанми? Неймар 18 ёшидан бери отаси бошқарадиган NR Sports компанияси юзи саналади. Мазкур фирма у ёки бу спортчининг исмини муҳофаза қилишга ихтисослашган. Мижозлар орасида шунингдек, машҳур серфер Марино Вернек, бразилиялик хонанда Алесандре Пирес ва бошқа таниқли инсонларнинг номи бор. Айнан NR Sports ёзда машҳур Playboy журнали билан судлашиб, ғолиб чиқди. Чунки журналнинг ялтироқ муқовасида соҳибжамол модел Патрисия Жорданнинг сурати берилиб, устига «Неймарни маҳлиё қилган қорасоч» деб ёзилганди. Хуллас, суд даъво туфайли журналнинг июнь ойи сонини сотувдан олиб ташлаш ҳақида қарор чиқарди.  Андрес Иньеста Ўзимизнинг томорқа Бир вақтлар Андреснинг отаси қадрдон Фуэнтальбилья шаҳарчасидан ер майдони сотиб олиб, унга ток кўчатларини ўтқазганди. Кичик Иньеста футбол орқали ҳамённи қаппайтиргач, бу чоғроқ ер майдони 120 гектарлик каттагина боғ тусини олди. Ишчилар сони эса 20 кишига кўпайди. Ўз-ўзидан маълумки, айни вақтда бахтиёр ота ўзи орзу қилган вино заводи хўжайинига айланган. 2013 йили Андрес Европада жуда қадрланувчи зайтун мойи ишлаб чиқаришни ҳам йўлга қўйди. Агар бирор жойда Corazon Loco Oil маркали маҳсулотни кўриб қолсангиз, уни иккиланмай харид қилаверинг! Чунки маҳсулот сифатига кимсан - Андрес Иньеста кафолат беради.  Херард Пике Бургерлар ва видеоўйинлар Соқолдор ҳимоячи пулларини ёшлар орқали кўпайтиришни мақсад қилган. Яъни, у 2011 йил ноябрида икки миллион евро айланма маблаққа эга Kerad Games компаниясига асос солди. 30 нафар ходимни иш билан таъминлаган бу фирма ёшлар учун видеоўйинлар ишлаб чиқаришга ихтисослашган. Бундан ташқари, каталониялик футболчи мол гўштидан бургер тайёрлайдиган Bas Alimentaria фирмасининг 27 фоиз акцияларига эгалик қилади. Херард, булар камлик қилганидек, янги ташкил этилган SICAV компанияси орқали кўчмас мулк бозорига ҳам кириб олмоқчи.  Даниэл Алвес Иштаҳангиз карнай бўлсин! Шуниси қизиқки, гарчи ҳозир бирга яшамаётган бўлишса-да, бразилиялик футболчининг собиқ рафиқаси унга агентлик қилиш билан бирга, ўзларининг бешта компанияларини муваффақиятли бошқармоқда. Данининг ўзи эса айни пайтда янги машғулотга жуда қизиқиб қолган. Яъни, у ўтган йили таниқли бизнес-леди Тереза Марти ва қўли гул ошпаз Жоао Алькантаралар ҳамкорлигида бразилча таомларга асосланган ресторан очди. Унда вақти-вақти билан мазали таомлар тайёрлаш бўйича семинарлар ўтказилиб туради. Иван Ракитич Мухлисларга ёқмаган кафе Хорватиялик иқтидор «Севилья»да ўйнаб юрган кезлариёқ ўз келажак режаларига эга эди. Жумладан, 2013 йили у Андалусияда кичикроқ кафе-ресторан очди. Барда унинг турмуш ўртоғи, синглиси ва акаси ишлашарди. Аввалига уларнинг ишлари унчалик юришмади. «Бар «Бетис» стадиони яқинида эди. Шунинг учун маҳаллий мухлислар билан муносабатларимиз келишмади. Лекин шаҳар марказига кўчиб ўтганимиздан кейин ишлар юришиб кетди», - деб эслайди Ракитич. «DINAIN Tapas & Copas» Иваннинг шуҳратидан фойдаланиб, сешанбадан якшанбагача бир текис ишлаётганди. Аммо Ракитичнинг «Барселона»га кўчиб ўтиши ва «Бетис» мухлисларининг қайта авж олган хуружлари туфайли футболчи кафени ёпиб, муаммодан халос бўлди. | |
|
| |
| Всего комментариев: 0 | |
| № Жамоа | Ў | ТН | О |
|---|---|---|---|
| 1. Реал | 12 | 46-11 | 30 |
| 2. Барселона | 12 | 30-6 | 28 |
| 3. Атлетико | 12 | 23-12 | 26 |
| 4. Валенсия | 12 | 24-11 | 24 |
| 5. Севилья | 12 | 19-16 | 23 |
| 6. Малага | 12 | 15-12 | 21 |
| 7. Сельта | 12 | 17-12 | 20 |
| 8. Вильярреал | 12 | 17-14 | 18 |
| 9. Атлетик | 12 | 10-13 | 15 |
| 10. Хетафе | 12 | 9-16 | 14 |
| 11. Райо Валлекано | 12 | 15-24 | 14 |
| 12. Эйбар | 12 | 13-19 | 13 |
| 13. Леванте | 12 | 9-26 | 12 |
| 14. Эспаньол | 12 | 12-16 | 11 |
| 15. Реал Сосьедад | 12 | 12-16 | 10 |
| 16. Депортиво | 12 | 12-21 | 10 |
| 17. Гранада | 11 | 6-17 | 10 |
| 18. Эльче | 12 | 12-24 | 10 |
| 19. Альмерия | 11 | 9-14 | 9 |
| 20. Кордова | 12 | 10-20 | 7 |
| Ўйинчи | П | ЧЛ | ИК | 0 |
|---|---|---|---|---|
| Криштиану Роналду(Реал) | 20 | 0 | 0 | 20 |
| да Силва Сантос Неймар(Барселона) | 11 | 0 | 0 | 11 |
| Лионел Месси(Барселона) | 10 | 0 | 0 | 10 |
| Карим Бензема (Реал) | 7 | 0 | 0 | 7 |
| Кристианс Жонатас (Эльче) | 6 | 0 | 0 | 6 |
| Гарет Бейл (Реал) | 5 | 0 | 0 | 5 |
| Ўйинчи | П | ЧЛ | ИК | 0 |
|---|---|---|---|---|
| Хорхе Ресуррексьон"Коке" (Атлетико) | 8 | 0 | 0 | 8 |
| Лионел Месси (Барселона) | 7 | 0 | 0 | 7 |
| Криштиано Рональдо (Реал) | 6 | 0 | 0 | 6 |
| Карим Бензема (Реал) | 5 | 0 | 0 | 5 |
| Луис Суарес (Гранада) | 4 | 0 | 0 | <4 |
| Жерар Деулофеу (Севилья) | 3 | 0 | 0 | 3 |
 |
 |
 |
