21:18 Суарес "Эль-классико"га тайёрми? | |
"Барселона" клуби ҳужумчиси Луис Суарес Испания чемпионати 9-турида Мадриднинг "Реал" клубига қарши бўладиган ўйин ҳақида ўз фикрларини билдириб ўтди. Эслатиб ўтамиз, футболчининг 4 ойлик дисквалификацияси 25 октябрь куни ўз кучини йўқотади ва у янги жамоасидаги илк расмий учрашувини "қироллик клуби"га қарши ўтказиши кутилмоқда. – Агар мендан бир ҳафта олдин "Эль классико"га тайёргарлигим ҳақида сўрашганида ҳам юз фоиз тайёрман, деб жавоб берган бўлардим. Фақатгина бу бироз ҳақиқатга яқин эмас. Аммо мен Уругвай терма жамоасининг охирги икки назорат учрашувида ўзимни жуда яхши ҳис қилдим ва Реал"га қарши баҳсга тўлиқ тайёрман, – дейди Суарес "Marca" нашрига. Эслатиб ўтамиз, уругвайлик форвард ўтган мавсумдаги тўпурарлик бўйича қайд этган натижасига кўра, "Олтин бутса" мукофотини қўлга киритди. У "Ливерпуль" таркибида 33 учрашувда 31 гол ва 17 голи пасга муаллифлик қилган. | |
|
Всего комментариев: 0 | |